首页 > 报纸波经 > 东方日报>  正文
2018-01-21 本文来源:互联网
今晚欧洲上演豪门夜宴,5大劲旅西甲巴塞隆拿、皇家马德里、德甲拜仁慕尼黑、法甲巴黎圣日耳门同意甲国际米兰分途出击,撞到硬野并唔易啃!到底5支富豪球会开香槟,定系挞Q甩拖,今晚自有分晓!
巴塞发炮贝迪斯有难
今晚西甲两大巨头皇家马德里同巴塞隆拿分途出击,其中巴塞将作客迎击贝迪斯。巴塞联赛甩开「2哥」马体会9分之多,仲系欧洲5大联赛唯一不败之师,虽然荷西保连奴因伤缺席,但前线仲有美斯同苏亚雷斯两支大炮,要摧毁贝迪斯可谓毫无难度。
主队贝迪斯虽然近期联赛两连胜,但两仗就失左5粒,后防表现唔多对办,加上巴塞近4仗联赛全胜劲入14粒,今晚面对攻强守弱嘅贝迪斯,肯定可以赢多几粒,让球主客和巴塞让两球唔怕多,2.55倍让客值捧场。
(Now 632周一凌晨3时45分直播)
至于较早时间开波嘅皇马,就会坐镇巴拿贝球场恭候拉科鲁尼亚。皇马喺联赛「甩晒辘」只排紧第4,令主帅施丹饱受压力,急需一场大胜为球队洗甩颓风之馀,仲要力保前4嘅欧联席位,上仗西班牙盃收起「BBC」组合,摆明留晒力落今仗度,肯定唔会留手丧攻。
皇马半场大「拉」唔住
客队拉科现排联赛尾3,作客班拿贝焗攻抢分,好在回巢嘅箭头卢卡斯佩雷斯保持水准,相信对「银河舰队」防线造成一定威胁,睇往绩两军近5仗交手,有4次半场入球达2球或以上,一于捧中位数1.5球嘅1.62倍「半大」。
(Now 632周日晚11时15分直播)