首页 > 报纸波经 > 东方日报>  正文
2018-01-21 本文来源:互联网
哈利卡尼挑战英超百球
周一凌晨英超独脚戏,热刺作客圣马利球场斗修咸顿。热刺射手哈利卡尼今季继续保持超高嘅入球效率,近两仗为球队上阵就连续两次梅开二度,而且热刺上个月先岩岩以5比2大挫修咸顿,嗰场哈利卡尼就个人连中三元,势不可当,加上热刺其馀进攻球员都够弗,修咸顿斋唛哈利卡尼都头大,根本冇力阻止热刺破门,呢场难逃一败,肯定捧客胜。
(Now 621及LeSports周一凌晨零时直播)
近2季英超都以头3名完成赛季嘅热刺,季初曾因为唔适应新主场等客观因素影响,未能保持喺联赛前3,可见要维持高水准表现捍卫佢的英超Big6嘅地位,绝对唔系易事。不过球队已经明显摆脱主场不胜嘅魔咒,成为挑战联赛前5嘅有力竞争者,而且喺欧联战线继续高歌猛进,可见热刺走势绝对唔曳。加上班波表现绝对抵讚,尤其当家射手哈利卡尼一直维持超顺脚风,以20球高踞联赛射手榜榜首,嚟紧佢只要再入多2球,就会成为热刺史上第一位为球队喺英超攻入100球嘅球员。上个月哈利卡尼面对修咸顿已经试过大演帽子戏法,仲破埋由名宿舒利亚保持嘅年度英超入球纪录,今晚再会「圣人」入波绝对有心得,睇好佢再为球队取胜。
修咸顿防线兵源短缺
相反修咸顿喺领队比历坚奴带领下表现令人失望,现时只离降班区1分,联赛排名倒数第4,最弊系近况麻麻,踏入2018年英超未赢过波之馀,主力后卫华基尔云迪积克仲要畀利物浦撬走,大大削弱后防实力,另一位后卫吉田麻也又有伤上阵成疑,防线兵源短缺,只会益左热刺一班弗爆进攻好手,「圣人」随时输多几粒,客胜走唔甩。