首页 > 报纸波经 > 东方日报>  正文
2018-01-17 本文来源:互联网
另一场西盃8强,周四凌晨马德里体育会喺主场硬撼西维尔。今季表现飘忽嘅西维尔最近搵嚟新帅蒙迪拿扭转球队颓势,不过呢位教头上任后近两场联赛输晒,睇嚟一时三刻想翻生都几难。相反马体会获迪亚高哥斯达回巢攻力大增,而且近4次主场面对西维尔有3次都赢对手2球或以上,呢场绝对可以再借主场之利轻取对手,让球主胜捧得过。
(周四凌晨2时开赛)
西维尔颓势未止
继喺同市打吡3比5畀贝迪斯羞辱之后,上仗西维尔仲输畀联赛下游球队艾拉维斯,如果话早前炒左受癌病困扰嘅主帅贝利素系想一止颓势情有可原,新帅蒙迪拿上任后两仗联赛1分都拿唔到,就足以引起球迷公愤,早前就有西维尔拥趸走入训练场同球员对峙,场面十分尴尬。球队近5仗客战只取1胜1和3负战绩低迷,球迷想洩愤都在所难免,嗰势咁颓仲要面对强敌,睇怕都难有作为。
各项赛事近6仗主场全胜嘅马体会,旧将迪亚高哥斯达喺1月转会窗终于「爱回家」,佢上阵3场就攻入2球表现对办,加上有前西维尔中场韦图倒戈相向,马体会前线攻力随时高几瓣,呢场有力大胜轻取对手,让球主胜唔好错。