首页 > 报纸波经 > 东方日报>  正文
2017-09-24 本文来源:互联网
白礼顿门将畀料都冇符
今晚英超上演独脚戏,由两支升班球队对碰,「海鸥」白礼顿将喺主场迎战「喜鹊」纽卡素。白礼顿5日内两次输畀近况一般嘅般尼茅夫,士气受挫,今场面对近3仗联赛全胜嘅「喜鹊」,好大机会再次失分,睇好纽卡素赢波延续连胜气势,平手盘值得一试。
(Now 621及LeSports HK应用程式周日晚11时直播)
千辛万苦升上英格兰顶级联赛,但「海鸥」白礼顿今季踢英超表现中规中矩,5轮战罢仅得1胜1和3负成绩,上轮仲成为英超今季首支输畀般尼茅夫嘅球队。去到周中两军于英联盃相遇,结果白礼顿只能喺90分钟闷和对手,最后加时仲要输多铺畀般尼茅夫,相信白礼顿士气已经直插谷底。防线欠稳问题必须解决,为此球队即刻同季初由纽卡素租借加盟嘅门将告鲁尔签下买断条约,破坏迴避条款等佢今仗可以披甲;话晒呢位荷兰门将喺纽卡素呢间东北部球会效力过12年,对住「喜鹊」班球员随时仲熟过自己屋企人,今场有呢位卧底门神畀料,白礼顿收到奇效都唔定!
「雀鸟大战」喜鹊全胜
不过想赢波,都唔可以斋靠门将,唔通要佢入埋波羊?况且对手纽卡素经历左季初一轮低潮之后,近期开始上力弗爆豪夺3连胜,唔经唔觉「喜鹊」仲飞左上积分榜前列位置添,球员信心返晒嚟。今场虽然有塞尔维亚前锋阿历山大米祖域停赛,不过领队「肥宾」宾尼迪斯病愈可以喺场边指挥,有望再下一城,加上双方上季喺英冠两度交锋,结果纽卡素喺「雀鸟大战」全部赢晒,今仗仲有平手盘咁笋,一于撑「喜鹊」啦!