首页 > 报纸波经 > 太阳报>  正文
2016-03-26 本文来源:互联网
今晚热身赛继续有瞩目戏码上演,德国喺首都柏林主场迎战英格兰,两军近年热身赛试阵居多,今仗的确坚难估边队赢面较大。德国自攞到世盃冠军后,表现反覆;至于「三狮兵团」由作风非常保守嘅领队鹤臣揸旗,对亲传统劲旅鲜有大手交易,以近7仗热身赛6度开细盘嘅走势嚟睇,相信今晚唔慌多波入,心水推介1.92倍入球细。
日耳曼兵热身赛战绩曳
德国自从2014年世界盃称王后,踢咗15场比赛只係赢得8场,完全失去世界冠军应有嘅霸气。佢哋踢热身赛更加唔上心,5战只得1胜,上年3仗先后打和澳洲2:2之馀、更以1:2、0:2不敌美国同法国,揸流摊意味甚浓。今次对住「三狮兵团」究竟以乜嘢心态上阵,真係不得而知。
另边厢嘅英格兰,虽然踢热身赛嘅成绩係好啲,近7仗取得3胜3和1负,之但係班波近4次对德国输咗3次,包括最近1次喺2013年嘅热身赛主场输0:1,往绩居下风。距离欧国盃决赛周揭幕愈嚟愈近,留番畀主帅鹤臣练兵嘅时间唔多,站喺试阵角度嚟睇,球员今仗发挥远比胜负重要得多。
三狮多伤兵焗用新仔
睇番「三狮兵团」对上7仗热身赛入面,夹埋有6次开细盘,当中对手包括对法国、西班牙同意大利。今晚同级数差唔多嘅德国交手,怕且战情唔会太大分别。何况前锋朗尼、翼锋史达宁同门将赫特等主力齐齐打柴,加埋左闸赖恩贝特兰日前又退埋队,相信会由年仅23岁嘅毕兰特负责把守最后一关,连从未为英军披甲嘅守将丹尼路斯亦会担正,喺咁嘅情况下,唔使旨意鹤臣会部署主动斗攻囉,计落都係捧入球细有数。